News / Events

ದಿನಾಂಕ 20.02.2024 ರಂದು ಸಹೋದಯ ಬೆಥನಿ ಸೇವಾ ಕೇಂದ್ರ ಬೆಂದೂರು ಹಾಗೂ ಸ್ಕೂಲ್ ಆಫ್ ರೋಶನಿ ನಿಲಯ ಮಂಗಳೂರು ಇಲ್ಲಿನ ಎಮ್.ಎಸ್.ಸಿ ವಿದ್ಯಾರ್ಥಿಗಳ ಜಂಟಿ ಆಶ್ರಯದಲ್ಲಿ ಮಾಡಮೆ ಸ್ನೇಹ , ಪ್ರಗತಿ, ಮರಿಯಗೊರಟ್ಟಿ ಹಾಗೂ ಐಶ್ವರ್ಯ ಕುದ್ಕೋಳಿ ಸಂಘದ ಸದಸ್ಯರಿಗೆ ಮಹಿಳೆ ಮತ್ತು ಮಾನಸಿಕ ಒತ್ತಡ ಮಾಹಿತಿ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಯಿತು.ದೇವರ ಸ್ಮರಣೆಯೊಂದಿಗೆ ಕಾರ್ಯಕ್ರಮವನ್ನು ಆರಂಭಿಸಲಾಯಿತು. ಶ್ರೀಮತಿ ಲೀನಾ ಕ್ಯಾಸ್ತಲಿನೋ ಇವರು ಎಲ್ಲರನ್ನು ಸ್ವಾಗತಿಸಿದರು. ತದನಂತರ ಸಹೋದಯ ಬೆಥನಿ ಸೇವಾ ಕೇಂದ್ರದ ಸಂಯೋಜಕರಾದ ಭ| ಲೀನಾ ಡಿ ಕೋಸ್ಟ ಇವರು ಕಾರ್ಯಕ್ರಮವನ್ನು ಉದ್ದೇಶಿಸಿ ಪ್ರಾಸ್ತವಿಕ ಮಾತುಗಳನ್ನಾಡಿದರು. ನಂತರ ಭ| ಲೀನಾ ಪಿರೇರ (ಸ್ಕೂಲ್ ಆಫ್ ರೋಶನಿ ನಿಲಯದ ವಿದ್ಯಾರ್ಥಿ) ಇವರು ಮಹಿಳಾ ಸದಸ್ಯರನ್ನು 4 ಗುಂಪುಗಳಾಗಿ ವಿಂಗಡಿಸಿ ನಂತರ ಅವರಿಗೆ ವೈಯಕ್ತಿಕ ಆರೋಗ್ಯ ದಿನ ನಿತ್ಯದ ಜೀವನದಲ್ಲಿ ಎಷ್ಟು ಮುಖ್ಯ ಹಾಗೂ ವೈಯಕ್ತಿಕ ಆರೋಗ್ಯದ ಸಕರಾತ್ಮಕ ಹಾಗೂ ನಕರಾತ್ಮಕ ಪರಿಣಾಮಗಳು, ಸಂತೋಷ, ದುಃಖ, ಬೇಸರ , ಕೋಪ, ಒಂಟಿತನ ಇದರಿಂದಾಗಿ ಜೀವನದ ಮೇಲೆ ಬೀರುವ ಪರಿಣಾಮಗಳ ಕುರಿತು ಮಾಹಿತಿ ನೀಡುತ್ತಾ ಗುಂಪು ಚಟುವಟಿಕೆಗಳ ಮೂಲಕ ಚರ್ಚೆ ನಡೆಸಿ ಮೌಲ್ಯ ಮಾಪನವನ್ನು ನಡೆಸಿ ಅವರ ಅನಿಸಿಕೆಗಳನ್ನು ಪಡೆದುಕೊಂಡು ಕಾರ್ಯಕ್ರಮವನ್ನು ಮುಕ್ತಾಯಗೊಳಿಸಲಾಯಿತು.